لاہور(امت نیوز) ڈیسکون سپر لیگ کے دوسرے ایڈیشن میں نیسلے نے پیکجز اورفاطمہ گروپ نے ڈیسکو ن کو پچھاڑ کر فائنل میں جگہ بنا لی، دونوں ٹیمیں یکم دسمبر کو لاہور جم خانہ کرکٹ کلب میں مد مقابل ہوں گی ، پہلے سیمی فائنل میں نیسلے اور پیکجز کے درمیان مقابلہ ہوا جس میں نیسلے نے پیکجز کو 91 رنز کے بڑے مارجن سے شکست دی ، نیسلے نے پہلے کھیلتے ہوئے مقررہ اوورز میں 7 وکٹوں کے نقصان پر 162 رنز بنائے، نیسلے کی جانب سے زین العابدین نے43 اور حامد حیات نے41 رنز بنائے جبکہ پیکجز کی جانب سے مزمل غفار نے چار کھلاڑیوں کو پویلین کی راہ دکھائی ، مطلوبہ ہدف کے تعاقب میں پیکجز کی ٹیم صرف70 رنز پر ڈھیر ہوگئی۔