کراچی(اسٹاف رپورٹر)پولیس ٹریننگ سینٹر بلدیہ کے قریب تیز رفتار ٹرالر دیوار میں گھس گیا، جس سے ڈرائیور شدید زخمی ہوگیا۔تفصیلات کے مطابق سعید آباد کے علاقے پولیس ٹریننگ سینٹر بلدیہ کے قریب ٹرالر نمبر ٹی ایل یو 941 جس پر کنٹینر رکھا ہوا تھا۔تیز رفتاری کے باعث ڈرائیور سے بے قابو ہوکر قریب دیوار میں جاگھسا، جس کے نتیجے میں ڈرائیور اندر ہی پھنس گیا۔حادثے کے باعث ٹریفک کی روانی بھی معطل ہوگئی۔ رینجرز اور پولیس نے پہنچ کر ٹرالر میں پھنسے شدید زخمی ڈرائیور 18سالہ حضرت علی ولد ولی خان کو نکال کر قریبی اسپتال منتقل کیا اور ٹرالر کو ہٹاکر ٹریفک کی روانی کو بحال کرایا۔