کراچی (اسٹاف رپورٹر) پیر اور منگل کی درمیانی شب کراچی پولیس کے متعدد تھانوں نے اپنے علاقوں میں سرچ آپریشن کرتے ہوئے 89مشتبہ افراد کو حراست میں لے کر تفتیش شروع کردی، آپریشن کے دوران 3ملزمان کو بھی گرفتار کیا گیا ہے۔ تفصیلات کے مطابق پاکستان بازار پولیس نے اورنگی ٹاؤن طوری بنگش کالونی میں سر چ آپریشن کرتے ہو ئے 17افراد کو حراست میں لے لیا ،جبکہ ایک ملزم سہیل احمد کو بھی گرفتار کر کے اسلحہ برآمد کرلیا ،سہراب گوٹھ پولیس نے مختلف علاقوں میں سرچ آپریشن کرتے ہوئے 10افراد کو حراست میں لے لیا جبکہ 2 ملزمان زمان اور محمد کو بھی گرفتار کرلیا ، بریگیڈ پولیس نے لائینز ایریا میں سرچ آپریشن کرتے ہو ئے 21 افراد کو حراست میں لے لیا، سعید آباد پولیس نے یوسف گوٹھ میں سرچ آپریشن کرتے ہو ئے 15افراد کو حراست میں لے لیا،ملیر پولیس نے آسو گوٹھ میں آپریشن کے بعد 10 افراد کو حراست میں لے لیا ،اقبال مارکیٹ پولیس نے راجہ تنویر کالونی میں آپریشن کے بعد 16افراد کو حراست میں لے لیا۔