کراچی(اسٹاف رپورٹر) پاکستان آئیڈیاز کی بین الااقوامی نمائش کے سلسلے میں آج سہ 4 بجے کراچی شو کا انعقاد کیا جارہا ہے ۔ٹریفک پولیس کے اعلامیہ کے مطابق سی ویو روڈ مکڈونلڈ سے ویلیج تک بند ہوگا، شاہراہ فردوسی براستہ ہائپر اسٹارآنے والے مکڈونلڈ سے بائیں جانب خیابان شمشیر اور 26اسٹریٹ سگنل سے اپنی منزل کی طرف جا ئیں ۔دودریا سے ویلیج آنے والے دائیں جانب خیابان اتحاد کی طرف جا ئیں ۔جب کہ خیابان مجاہد ،خیابان بحریہ ،خیابان شہباز ،خیابان راحت سے وسی ویو روڈ کی طرف آنے کی اجازت نہیں ہوگی ،شہری زحمت وپریشانی سے بچنے کیلئے قانون نافذ کرنے والے اداروں اور ٹریفک پولیس سے تعاون کریں اور اپنی گاڑی یا موٹرسائیکل سروس یا شاہراہ پر نہ کھڑی کریں۔