ابوظہبی ٹیسٹ کیلئے پاک کیوی ٹیموں کی تیاری تیز

دبئی (امت نیوز)ابوظہبی ٹیسٹ کیلئے پاک کیوی ٹیموں کی تیاری تیز ہوگئی ہے۔دونوں ٹیمیں سیریز میں کامیابی کیلئے سرتوڑ کوشش کریگی۔ پاکستان اور نیوزی لینڈ کی کرکٹ ٹیموں کے درمیان تین ٹیسٹ میچوں کی سیریز کا آخری میچ 3 دسمبر سے دبئی میں شروع ہوگا۔ دونوں ٹیموں کے درمیان سیریز 1-1 سے برابر ہے۔ کیویز نے پہلے میچ میں پاکستان کو 4 رنز سے شکست دی تھی جبکہ دوسرے میچ میں پاکستان نے شاندار کم بیک کرتے ہوئے کیویز کو اننگز اور 16 رنز سے شکست دیکر سیریز 1-1 سے برابر کردی تھی۔ واضح رہے کہ پاکستان نے نیوزی لینڈ کے خلاف شیڈول آخری اور فیصلہ کن ٹیسٹ میچ کیلئے ٹیم میں کوئی تبدیلی نہ کرنے کا فیصلہ کیا ہے۔ یاسر شاہ نے غیرمعمولی باؤلنگ کا مظاہرہ کرتے ہوئے 14 وکٹیں لیکر ٹیم کو فتح دلائی تھی۔ دونوں ٹیموں کے درمیان فیصلہ کن ٹیسٹ 3 دسمبر سے ابوظہبی میں شروع ہو گا۔
٭٭٭٭٭