کراچی (اسٹاف رپورٹر)فرئیر پولیس نے کینٹ اسٹیشن پر کارروائی کر کے ڈیڑھ ماہ قبل کورنگی سے اغوا ہو نے والے بچے کو بازیاب کرکے ملزم کو گرفتار کرلیا۔ تفصیلات کے مطابق فرئیر پولیس نے خفیہ اطلاع پر کینٹ اسٹیشن سے 11سالہ شیراز کو بازیاب کر کے ملزم راجہ کو گرفتار کرلیا ،ایس ایس پی جنوبی پیر محمد شاہ نے بتایا کہ شیراز کو ضیاءکالونی سے اغوا کیا گیا تھا،بازیاب بچے نے اپنے بیان میں کہا کہ ملزم نے اس کو اغوا کرکے ایک کمرے میں بند کردیا تھا اور مجھ سے منشیات فروخت کراتا تھا۔ بچے کو والدین کے حوالے کردیا گیا۔