کراچی (اسٹاف رپورٹر) سچل پولیس سے مقابلے میں ایک ملزم مارا گیا جبکہ اس کا ساتھی فرار ہونے میں کامیاب ہوگیا۔ تفصیلات کے مطابق سچل کے علاقے سپر ہائی وے جمالی پل کے قریب ڈاکو عوام سے لوٹ مار کررہے تھے کہ پولیس وہاں پہنچ گئی، جس پر ملزمان نےفرار ہوتے ہوئےپولیس پر فائرنگ شروع کردی ، جوابی فائرنگ میں ایک ملزم زخمی ہوگیا جبکہ اس کا ساتھی اندھیرے کا فائدہ اٹھاتے ہوئے فرارہوگیا۔بعد ازاں زخمی ملزم زخموں کی تاب نہ لاکر چل بسا۔ پولیس کا کہنا ہے کہ ملزم کے قبضے سے اسلحہ اور دیگر سامان ملا ہے جبکہ اسکے مفرورساتھی کی تلاش جاری ہے۔ لاش کو قانونی کارروائی کیلئےاسپتال پہنچایا گیا۔ پولیس کا کہنا ہے کہ فوری طور پر ہلاک ملزم کی شناخت نہیں ہوسکی ہے ۔