کراچی (اسٹاف رپورٹر) جھاڑیوں اور فلیٹ سے 2خواتین کی لاشیں ملیں ۔تفصیلات کے مطابق پورٹ قاسم پر واقع حسن بابا مزار کے عقب میں جھاڑیوں سے 18سالہ لڑکی کی 2ماہ پرانی مسخ شدہ لاش ملی ۔ اطلاع ملنے پر پر پولیس نے لاش تحویل میں لے کر جناح اسپتال پہنچائی ۔ ڈاکٹرز کے مطابق پوسٹ مارٹم رپورٹ آنے کے بعدہی وجہ موت سامنے آئے گی ۔ پی ای سی ایچ ایس بلاک2 میں کوثر بلڈنگ کے فلیٹ سے 45 سالہ درشہوار کی لاش ملی ۔اہل محلہ نے تعفن اٹھنے پر پولیس کو اطلاع دی ۔پولیس نے اہل محلہ کی موجودگی میں فلیٹ کا دروازہ توڑ کر لاش تحویل میں لے کر جناح اسپتال پہنچائی پولیس کے مطابق متوفیہ فلیٹ میں اکیلی رہتی تھی ۔لاش 3روز پرانی ہے بظاہر موت طبعی لگتی ہے پولیس نے کارروائی کے بعد دونوں لاشیں سرد خانے منتقل کردیں ۔