قومی بلائنڈ خواتین ٹیم کا اعلان جنوری میں ہوگا

اسلام آباد (امت نیوز) پاکستان بلائنڈ کرکٹ کونسل (پی بی سی سی) نیپال کے خلاف ہوم سیریز کیلئے 15 رکنی قومی بلائنڈ خواتین ٹیم اور ٹیم مینجمنٹ کا اعلان جنوری میں کرے گی۔ نیپال کی بلائنڈ ویمن کرکٹ ٹیم پاکستان کے ساتھ پانچ ٹی 20 میچوں کی سیریز کیلئے 26 جنوری کو پاکستان کے دورہ پر آئے گی۔ پاکستان بلائنڈ کرکٹ کونسل کے چیئرمین سیّد سلطان شاہ نے ”اے پی پی“ کو بتایا کہ نیپال کے خلاف ٹی 20 سیریز کیلئے پی بی سی سی نے 25 خواتین کھلاڑیوں کو شارٹ لسٹ کیا گیا ہے تاہم سیریز کیلئے 15 رکنی حتمی ٹیم کا اعلان جنوری میں کیا جائے گا۔ اسی طرح دسمبر میں ٹیم منیجمنٹ کا اعلان بھی کیا جائے گا۔