اسلام آباد(امت نیوز)پاکستان فٹ بال فیڈریشن کے ووٹرز ( کانگریس ممبران ) کا اجلاس (کل) منگل کو اسلام آباد میں ہوگا، پاکستان فٹ بال فیڈریشن کے الیکشن ریٹرننگ آفیسر اور سپریم کورٹ بار ایسوسی ایشن آف پاکستان کے ممبر محمد شعیب شاہین نے پاکستان فٹ بال فیڈریشن کے ووٹرز( کانگریس ممبران ) کا اجلاس4 دسمبر کو دوپہر ڈھائی بجے، سپریم کورٹ بار ایسوسی ایشن سپریم کورٹ بلڈنگ اسلام آباد میں طلب کیاہے۔ اجلاس میں پاکستان فٹ بال فیڈریشن کے انتخابات کے حوالے سے بریفنگ دی جائے گی۔ پاکستان فٹ بال فیڈریشن کے انتخابات 12 دسمبر کو سپریم کورٹ بلڈنگ اسلام آباد میں ہونگے۔پاکستان فٹ بال فیڈریشن کے انتخابات میں حصہ لینے والوں کو نامزدگی فارم (آج ) پیر سے جاری کئے جائیں گے، شیڈول کے مطابق فیڈریشن کے انتخابات 12 دسمبر کو ہونگے، پاکستان فٹ بال فیڈریشن کے ریٹرننگ آفیسر الیکشن اور ایڈوکیٹ سپریم کورٹ آف پاکستان محمد شعیب شاہین نے بتایاکہ ورٹر لسٹ جاری کردی گئی ہے جبکہ نامزدگی فارم (آج) پیر اور (کل) منگل کو صبح نو بجے سے شام 5 بجے جاری کئے جائیں گے، 5 اور 6 دسمبر کو صبح نو بجے سے شام 5 بجے تک نامزدگی فارم داخل کرواسکتے ہیں۔