کراچی(اسٹاف رپورٹر)جامعہ کراچی کے شعبہ شماریات میں پوسٹ گریجویشن کیلئے داخلے آج سے شروع ہونگے۔رجسٹرار کے مطابق داخلہ فارم بمعہ کتابچہ 20دسمبرتک شعبے کے دفتر سے حاصل/ جمع کرائے جاسکتے ہیں،میرٹ لسٹ 26دسمبر کو آویزاں کی جائے گی جبکہ 13500روپے(بشمول داخلہ فیس) 28دسمبرسے 10 جنوری تک جمع کرائی جاسکےگی۔ کلاسز کا آغاز 14 جنوری 2019 سے ہوگا۔ مذکورہ ڈپلومہ کورس ان افراد کیلئے بھی کارآمد ہوگا جو کسی بھی شعبے میں تحقیقاتی کام کررہے ہیں۔علاوہ ازیں بی اے ،بی کام ،بی ایس سی (بائیولوجیکل سائنسز) کے طلبا اس ڈپلومہ کے ذریعے ماسٹر اِن کمپیوٹر سائنس (ایم سی ایس) اور ایم اے / ایم ایس سی شماریات میں داخلے کے اہل ہوجاتے ہیں۔