پی ایس ایل میں نیا ٹیلنٹ چمکنے کیلئے تیار

کراچی (امت نیوز)پی ایس ایل میں نیا ٹیلنٹ چمکنے کیلئے تیارہے۔ذیشان ملک-حسن محسن-مختار احمد-خوشدل شاہ اور سیف بدر پہلی بار لیگ کھیلے گے اس سے قبل لیگ سے حسن علی، شاداب خان، حسین طلعت اور فخر زمان جسیے کھلاڑی نمودار ہوئے ۔ ان کھلاڑیوں کے اندر ٹیلنٹ موجود تھا جسے نکھارنے میں پی ایس ایل نے مدد کردی اور آج یہ پاکستان کی ٹیم میں اہم مقام رکھتے ہیں۔21 سالہ ذیشان ملک پہلی مرتبہ 2016ئ کے انڈر 19 ورلڈ کپ میں منظرِ عام پر آئے۔حسن محسن کی صورت میں ایک اچھا ٹیلنٹ سامنے آیا اپنے بہترین کنٹرول کی وجہ سے انڈر 19 سطح پر وہ بہت مفید ثابت ہوئے۔ حسن نے اسپیڈ پر کام کیا اور ڈومیسٹک میں اپنی جگہ مستحکم کی۔اپنے پہلے ہی 3 ٹی 20 انٹرنیشنل میچز میں دھوم مچا دینے والے مختار احمد نے شائقین کو دیوانہ بنا لیا تھا قومی ٹیم سے ڈراپ ہونے کے بعد مختار احمد ڈومیسٹک میں واپس چلے گئے اور خوب محنت کی۔مختار نے ڈومیسٹک میں ثابت کیا کہ محدود اوورز کے فارمیٹ میں وہ اب بھی سب سے بہترین بلے باز ہیں۔
٭٭٭٭٭