پنگریو (نمائندہ امت) ٹنڈوباگوکے قریب ایمبولینس سے 2کروڑ روپے مالیت کی نشہ آورسفینہ پڑیاں برآمدکرلی گئیں سی آئی اے پولیس کواطلاع ملی تھی کہ ضلع بدین میں مین پڑیوں گٹکوں اور دیگر نشہ آور اشیا کی خرید و فروخت کے خلاف ایس ایس پی بدین کے احکامات پرکیے جانے والے آپریشن کے بعدان اشیا کی چوری چھپے خرید و فروخت جاری ہے اور اس کے لیے ایمبولینسوں کا استعمال کیا جارہا ہے جس پرپولیس نے ٹنڈوباگوکے قریب گاؤں شریف سوہو کے سامنے ایک ایمبولینس کوروک کر تلاشی لی توایمبولینس سے مین پڑیوں سے بھرے پچیس کٹے برآمد ہوئے، جس پرپولیس نے ایمبولینس ڈرائیورعرفان اللہ آر ائیں اورسفینہ ڈیلر غلام محمدعرف پوڑھومیمن کو گرفتار کر لیا ملزمان کے خلاف ٹنڈوباگوتھانے میں ایف آئی آردرج کرلی گئی ہے۔