حب (نمائندہ امت) حب پولیس اور سی آئی اے پولیس نے مختلف چھاپہ مار کاروائیوں کے دوران تین ملزمان کو گرفتار کرکے ڈھائی کلوگرام چرس اور کراچی سے چھینی گئی ایک موٹر سائیکل برآمد کرلی۔ پیر کے روز ایس ایچ او حب سٹی اور سی آئی اے انچارج نے پولیس پارٹی کے ہمراہ حب میں چھاپہ مار کاروائی کے دوران رستم ولد ابراہیم، محمد عرفان ولد محمد اقبال کو گرفتار کرکے ان کے قبضے سے ڈھائی کلو گرام چرس برآمد کرلی ، جبکہ سٹی پولیس نے الہ آباد ٹاون میں چھاپے کے دوران ایک ملزم کو گرفتار کرکے اس کے قبضے سے ایک 125 موٹرسائیکل برآمد کرکے مقدمہ درج کرلیا ہے ، پولیس کے مطابق گرفتار ملزم نے کراچی کے علاقے کلا کوٹ سے گن پوائنٹ پر موٹر سائیکل ایک شہری سے چھین کر حب لایا ہے۔