کراچی(اسٹاف رپورٹر) رینجرز اور پولیس آپریشن میں گینگ وار ملزم اور بھتہ خوروں سمیت 18ملزمان کو گرفتار کرکے اسلحہ، منشیات اور ہزاروں کلو گرام چھالیہ برآمد کرلی گئی۔ تفصیلات کے مطابق رینجرز نے کورنگی ، کھوکھراپار اور سعود آباد میں کارروائیاں کرکے 4ڈکیت نور محمد عرف لالا، ایاز عرف عظیم ، ولید عرف کماری اور وقاص گرفتار کرلئے، ملزمان متعدد ڈکیتیوں میں ملوث ہیں۔ اسپیشل انویسٹی گیشن یونٹ پولیس نے اسکریپ کے تاجر یاسر سے 25لاکھ بھتہ مانگنے والے ملزم بابر اور کاوش کو گرفتار کرکے موبائل فون برآمد کرلیا۔ کلاکوٹ پولیس نے گینگ وار ملزم ارشد علی کو گرفتار کرکے اسلحہ اور دستی بم برآمد کرلیا، ملزم نے 2افراد کو قتل کرنے کا اعتراف کیا ہے۔ ابراہیم حیدری پولیس نے ملزم اسحاق کو اور ریاست کو گرفتار کرلیا۔ سہراب گوٹھ پولیس نے شہزور ٹرک نمبر KG-7260سے پیاز کی بوریوں میں چھپائی گئی80 بوری چھالیہ برآمد کرکے ملزم شیر محمد کو گرفتار کرلیا۔ پاکستان بازار پولیس نے ملزم جہانزیب اور خالق حسین کو گرفتار کرلیا۔ ملزمان اسٹریٹ کرائم کی متعدد وارداتوں میں ملوث ہیں۔ بغدادی پولیس نے ملزم شاہد کو گرفتار کرکے اسلحہ برآمد کرلیا۔ ڈاکس پولیس نے ملزم بلاول اور عذیر کو گرفتار کرکے منشیات برآمد کرلی۔ شاہ لطیف پولیس نے2 ملزمان محمد نعیم اور وہاب کو گرفتار کرکے ان سے منشیات برآمد کرلی۔ عوامی کالونی پولیس نے ملزم افضل کو گرفتار کرکے اسلحہ برآمد کرلیا۔ بلوچ کالونی انویسٹی گیشن پولیس نے مفرور ملزم اشفاق کو گرفتار کرلیا۔