لاہور( امت نیوز)نیب کی ہدایت پر اپوزیشن لیڈر شہباز شریف کے لیے 9 رکنی میڈیکل بورڈ تشکیل دے دیا گیا۔ بورڈ کے کنونیئر فاطمہ جناح میڈیکل یونیورسٹی کے وائس چانسلر پروفیسر ڈاکٹر عامر زمان ہوں گے۔ دیگر ممبران میں پروفیسر محمد اکرم، پروفیسر شہزاد کریم بھٹی، پروفیسر کامران خالد خواجہ ، پروفیسر فرخ کمال، پروفیسر بلقیس شبیر، ڈاکٹر خضر گوندل اور ڈاکٹر محمد عدنان ہاشم شامل ہیں۔ بورڈ میں ایک اور ماہرشامل کیا جاسکتا ہے۔