کراچی (اسٹاف رپورٹر) نرسنگ کی آر میں ڈکیتیاں کرنیوالا جوڑا پکڑاگیا۔ ملزمہ نرس ہے جو گھروں میں بیمار افراد کی دیکھ بھال کے بہانے ساتھیوں کو معلومات دیتی تھی ملزمان کو سی سی ٹی وی فوٹیج کے ذریعے پکڑا گیا۔ ایس ایس پی سینٹرل عارف اسلم راؤنے بتایا کہ حیدری پولیس نے ملزم روحیل عرف چاند اور اس کی بیوی بشریٰ عرف پنکی کو گرفتار کیا ہے ملزمہ نرس ہے جو گھروں میں بیمار افراد کی دیکھ بھال کے بہانے ملزمان کو گھر کے بارے میں معلومات دیتی تھی ۔انہوں نے بتایا کہ ملزمان کوسی سی ٹی وی فوٹیج کے ذریعے پکڑاگیافوٹیج میں ایک خاتون کو گھبرا کر فٹ پاتھ پر گرتے اورملزمہ کو چوکیدار کے ہاتھوں پکڑے دیکھا جاسکتا ہے، فوٹیج مین ملزم اپنی بیوی کو چوکیدار سے چھڑارہا ہے جبکہ تیسراملزم بھی موجود ہے جس کی تلاش جاری ہے۔