کراچی(اسٹاف رپورٹر) چیف جسٹس میاں ثاقب نثار منگل اوربدھ کو کراچی رجسٹری میں اہم کیسوں کی سماعت کرینگے۔اسی حوالے سے بینچ تشکیل دے دیا گیا۔ بینچ میں چیف جسٹس میاں ثاقب نثار، جسٹس فیصل عرب اور جسٹس اعجاز الاحسن شامل ہونگے۔ بینچ سندھ میں فراہمی و نکاسی آب کے منصوبوں،شہر میں کثیرالمنزلہ عمارتوں کی تعمیر سے متعلق سماعت کرے گا۔ جبکہ سپریم کورٹ کراچی رجسٹری میں دوسرا بینچ جسٹس آصف سعید کھوسہ اور جسٹس گلزار احمد پر مشتمل ہوگا۔