لاہور(نمائندہ امت)مقبوضہ کشمیر میں ایک بس گہری کھائی میں جا گری جس کے نتیجے میں 23 افراد ہلاک جبکہ 7 شدید زخمی ہو گئے۔بھارتی میڈیا کے مطابق حادثہ لورن سے پونچھ جانے والی بس کو اس وقت پیش آیا جب منڈی کے نزدیک بس پھسل کر گہرے نالے میں جا گری۔ حادثے کے نتیجے میں 23 افراد موقع پر ہلاک جبکہ7 زخمی ہو گئے۔ زخمیوں کو فوری طور پر ہسپتال داخل کر دیا گیا۔قابض انتظامیہ کا کہنا ہے کہ حادثے کی وجوہات جاننے کے لئے تحقیقات شروع کر دی گئی ہیں۔