روم(امت نیوز) اٹلی میں میوزک کنسرٹ کے دوران بھگدڑ مچنے سے 6 افراد ہلاک اور درجنوں زخمی ہوگئے۔عالمی میڈیاکے مطابق جس وقت بھگدڑ مچی، اُس وقت انکونا شہر کے علاقے کورینالڈو میں واقع بلیو لینٹرن کلب میں 1ہزارافراد موجود تھے اور گلوکارہ سفیرا ایباسٹا کی پرفارمنس ہونی تھی۔ مقامی فائر سروس کے مطابق کسی زہریلی بو سے بھگدڑ مچی اور لوگوں نے اچانک بھاگنا شروع کردیا، جس کے نتیجے میں 6 افرادہلاک اور درجنوں زخمی ہوئے۔ ایک عینی شاہد نے بتایا کہ ہم کنسرٹ شروع ہونے سے پہلےڈانس کر رہے تھے کہ چھبتی ہوئی بُو محسوس ہوئی، جس پرہم خارجی راستے کی طرف بھاگے لیکن وہ بندتھا، جس پر بھگدڑ مچ گئی۔