کراچی (اسٹاف رپورٹر)رینجرز اور پولیس نے مختلف کارروائیاں اور مقابلے کے بعد56ملزمان کو گرفتار کرلیا جبکہ فائرنگ سے ایک پولیس اہلکار زخمی ہوگیا ، تفصیلات کے مطابق رینجرز خفیہ اطلاع پر ملیر سے ملزم جاسم رحمان کو گرفتار کرکے سے 100 کلو گرام حشیش برآمد کرلی ۔ ملزم نے انکشاف کیا ہے کہ وہ کوئٹہ اور سہراب گوٹھ سے حشیش خرید کر شہر کے مختلف علاقوں میں فروخت کرتا ہے ، گلشن معمار پولیس نے منشیات فروش فراز کو گرفتار کرکے منشیات برآمد کرلی ، اورنگی سیکٹر 9 اور شرافی گوٹھ میں مقابلوں کے بعد ملزمان علی دینو اورمحمد علی کوزخمی حالت میں گرفتار کرلیاگیا ، جبکہ ملزمان کی فائرنگ سے پولیس اہلکار عطاءاللہ بھی زخمی ہوگیا قائد آبد اور زمان ٹاؤن سے جواریوں عرفان، اعظم شاہ ، ذاکر ۔تنویرشیر محمد ۔کمال ،زاہد اورقاسم پکڑے گئے شرافی گوٹھ سے 12 منشیات فروش امیر خان، فہد، شاہد ، بلال، اسماعیل ، ندیم ، عظیم، کلیم اللہ ، نوید ، عبدالوقار ، عبدالاحد ، اور عبدالصمد کو گرفتار کرکے منشیات برآمد کرلی گئی ، سعید آباد سے عمران کو گرفتار کرکے اسلحہ برآمد کرلیاگیا ، سائٹ پولیس نے حق نواز ، علی اکبر اور اسحاق کو زخمی حالت میں گرفتار کرکے اسلحہ برآمد کرلیا۔مچھر کالونی سے تین منشیات فروش اقبال، نور الامین اور تاج محمد پکڑے گئے سرسید سے دو گٹکا فروشوں ساجد اور عبدالعزیز سے بھاری مقدار میں گٹکا برآمد ہوا ۔ناظم آباد میں دو ملزمان اسرافیل اور ملک کو گرفتار کرکے اسلحہ برآمد کرلیاگیا ، اسٹیل ٹاؤن پو لیس نے 4 لینڈ مافیا کے کارندے ظہیر قریشی ، شیر باز ، عاشق علی اور بخش علی کو گرفتار کرلیا ۔ نیوکراچی پولیس نےمحمد علی عرف لنگڑا سے منشیات برآمد کرلی،عوامی کالونی سے حماد اور حمزہ سے اسلحہ برآمد ہوا پیرآباد پولیس نےگٹکا فروش محمد کاشف ، لعل محمد اور عبدالطیف کو گرفتار کرکے گٹکا برآمد کرلیا،شاہراہ نورجہاں شپ اونر کالج کے قریب مقابلے کے بعد ملزم ذیشان کوزخمی حالت میں گرفتار کرلیا ،سچل سے تین منشیات فروش عبدالعلی ، سکندر اور علی جا ن پکڑے گئے ،سعود آبادکے تین نوجوان محمد اعزاز ، شاہ نواز اور محمد ساجدسے 12 کلو گٹکا برآمد کرلیا ، الفلاح پولیس نے کارروائی کرتے ہوئے دو گٹکا فروش سجاد اور اشرف کو گرفتار کرکے انکے قبضے سے بھاری مقدار میں مضر صحت گٹکا برآمد کرلیا ، کورنگی پولیس نے کارروائی کرتے ہوئے محمد شفیع کو گرفتار کرکے اسکے قبضے سے بھاری مقدار میں مضر صحت گٹکا برآمد کرلیا۔