رینجرز نے متحدہ ٹارگٹ کلرز۔گینگ وار کارندے سمیت درجنوں پکڑ لئے

کراچی(اسٹاف رپورٹر) رینجرز اور پولیس نے متحدہ لندن کے ٹارگٹ کلرز ۔ گینگ وارکے بھتہ خور سمیت 34 ملزمان کو گرفتار کر لئے ۔تفصیلات کے مطابق رینجرز نے ڈاکس اور شرافی گوٹھ سے متحدہ لندن کے ٹارگٹ کلرز فرخ بشیر اور خمیسو کو گرفتار کرلیا جبکہ ڈاکس کے علاقے سے ہی میں رینجرز نے گینگ وار کارندہ فرقان کوپکڑ لیا جو بھتہ خوری میں ملوث ہے گلبرگ، سمن آباد،کلفٹن، فیروز آباد ۔کورنگی ۔زمان ٹاؤن ۔شرافی گوٹھ میں رینجرز نے ڈکیتی کے ملزمان وقاص ۔انس۔دل جان۔ یاسر۔ اعجاز۔ شایان۔ شمروز علی۔ صالح ،ہارون، عمران ذیشان رحمان اور عبدالرحمن کو گرفتار کر لیا جبکہ مبینہ ٹاؤن شارع نورجہاں سعید آباد سے رینجرز کے ہاتھوں 5اسٹریٹ کرمنلز عامر ،عثمان ،کاشف،شہباز،عمران پکڑے گئے۔گلشن معمار ،گبول ٹاؤن ،فیروزآباد میں رینجرز نےمنشیات فروشوں فراز،شاہد،خرم ،مظہر کو گرفتار کیا شاہ لطیف میں رینجرز نے گٹکا فروش عبدالحمید کو دھر لیا۔ملزمان کے قبضے سے اسلحہ،منشیات ، گٹکاودیگر سامان بھی برآمد ہوا،ملزمان کو پولیس کے حوالے کردیا گیا ۔اسٹیل ٹا ؤن پولیس نےمبینہ مقابلے میں دو ملزمان زخمی حالت میں گرفتار کرکے اسلحہ اور رقم،موبائل فون اورودیگر سامان برآمد کرلیا۔ سکھن پولیس نے 3 ملزمان خرم شہزاد،راشد حسین اور سہیل عرف کاکا کو گرفتار کرکے قبضے سے اسلحہ اور چرس برآمد کرلی۔