شارع نورجہاں پولیس سے مقابلے میں ڈاکو ہلاک-ساتھی فرار

کراچی(اسٹاف رپورٹر) نارتھ ناظم آباد میں پولیس نے مقابلے میں ڈاکو کو ہلاک کردیا، جبکہ اس کا ساتھی فرار ہوگیا۔ تفصیلات کے مطابق شارع نورجہاں کے علاقے نارتھ ناظم آباد بلاک ڈی میں ہفتے اور اتوار کی درمیانی شب مسلح موٹر سائیکل سوار ملزمان شہریوں سے لوٹ مار کر کے فرار ہو رہے تھے کہ پولیس پہنچ گئی، جس کو دیکھ کر ملزمان نے پولیس پر فائرنگ کردی، پولیس نے جوابی کارروائی کرتے ہوئے ایک ملزم کو شدید زخمی حالت میں گرفتار کرکے اسلحہ برآمد کرلیا، جبکہ اس کا ساتھی موقع سے فرار ہو گیا۔ پولیس نے بتایا کہ زخمی ملزم ذیشان کو عباسی اسپتال منتقل کیا گیا، جہاں اس نے دم توڑ دیا۔