بھوبانیشور(امت نیوز )بھارت میں جاری ہاکی ورلڈ کپ کے ناک آوٹ راؤنڈ میں ہالینڈ نے پاکستان کو 5-1سے شکست دے دی تاہم بہتر گو ل ایوریج پر قومی ٹیم نے اگلے راؤنڈ میں جگہ بنا لی ہے ۔ بھارت میں ہونے والے ہاکی ورلڈ کپ کے گروپ ڈی کے میچ میں ہالینڈ اور پاکستان کی ٹیمیں آمنے سامنے آئیں ۔اس دور ان ہالینڈ کے کھلاڑیوں نے متاثر کن پرفارمنس کا مظاہرہ کیا جبکہ قومی ٹیم اچھا کھیل پیش نہ کر سکی ۔ہالینڈ کی جانب سے بر کمین ،ویلنٹن،ڈی ووگ ،جورٹ اور مک وینڈرنے گول کیے جبکہ پاکستان کی جانب سے واحد گول عمر بھٹہ نے پینالٹی کارنر پر کیا ۔اس شکست کے باوجود پاکستان کی ٹیم اگلے مرحلے میں چلی گئی ہے اور کراس اوور راؤنڈ میں 11دسمبر کو پاکستان کا بیلجئم سے مقابلہ ہو گا ۔اس میچ میں جو ٹیم جیتے گی وہ کوارٹر فائنل میں جرمنی کے ساتھ میچ کھیلے گی۔