کراچی (پ ر) ٹرانسپورٹ ایکشن کمیٹی کے صدر اشرف بنگلوری نے چیف جسٹس سپریم کورٹ سے اپیل کی ہے کہ کراچی شہر کے مسائل پر توجہ نہ دینے کا نوٹس لیا جائے۔ میئر نے سڑکوں پر پارکنگ الاٹ کر رکھی ہے جس کی وجہ سے ٹریفک میں خلل پڑتا ہے۔ لائٹ ہائوس سے ٹاور تک دونوں طرف پارکنگ کی جارہی ہے۔ انہوں نے مزید بتایا کہ سڑکوں کی ابتر حالات کی وجہ سے حادثات ہو رہے ہیں۔ سیوریج کا پانی سٹرکوں پر کھڑا رہتا ہے۔ انہوں نے کہا کہ پیر کالونی، جہانگیرروڈ، گارڈن روڈ، رنچھوڑ لائن، ناظم آباد کی گنجان سڑکوں کے مین ہول پر ڈھکن لگائے جائیں۔