اسلام آباد(نمائندہ امت) تھانہ شالیمار پولیس نے سیکٹر ایف ٹین فورمیں شراب کی بھٹی پر چھاپہ مارکر2چینی باشندوں کو گرفتارکرلیا اور ان کے قبضہ سے بڑی مقدار میں شراب ،بئیر اور آلات کشیدبھی برآمد کر کے مقدمہ درج کر لیا ۔تفصیلات کے مطابق ایس پی صدر زون کی ہدایت پر تھانہ شالیمار کےایس ایچ اوارشدمحمود،سلیم رضااےایس آئی اور دیگرملازمین نےمخبر خاص کی اطلاع پر مکان نمبر 107-Aگلی نمبر41سیکٹر ایف ٹین فورمیں جہاں شراب کشیدہ کرنےکی بھٹی لگی ہوئی تھی اورملزمان ناجائز طورپر شراب کشید کر کےفروخت کرتے تھےریڈکیا اور بھاری مقدار میں شراب برآمد کر لی ،جس میں 136کارٹن، 2640بوتل بئیر،240بوتلیں غیر ملکی شراب اور500بوتلیں کشیدجبکہ تین کینوں میں 180لیٹربرآمدکرلی ،ڈائی،خام مال 10توڑے،10بالٹیاں،کیمیکل،مکسچرمشین بھی قبضے میں لےلی گئی،گرفتارملزمان میں لکسی پنگ اور نی ٹیشن شامل ہیں۔