کراچی (اسٹاف رپورٹر) اینٹی نارکوٹکس فورس اور کوسٹ گارڈز کی کارروائیوں میں اعلیٰ کوالٹی کی72کلو گرام حشیش برآمد کرکے 3ملزمان کو حراست میں لے لیا گیا۔ تفصیلات کے مطابق اینٹی نارکوٹکس فورس سندھ نے کلفٹن میں منشیات ڈیلر تاج محمد اور جمال الدین کو گرفتار کرکے ان سے 5کلو گرام اعلی کوالٹی کی چرس برآمد کرلی، برآمد منشیات کی مالیت عالمی مارکیٹ میں 25لاکھ روپے سے زائد ہے۔ ایک اور کارروائی میں کوسٹ گارڈز نے گھارو چیک پوسٹ پر سوزوکی وین کی چیکنگ کے دوران 67کلو گرام اعلی کوالٹی کی حشیش برآمد کرلی، جس کی عالمی مارکیٹ میں کروڑوں روپے ہے۔ گرفتار اسمگلر سے تفتیش جاری ہے۔