بھوبنیشور (اے پی پی) ایف آئی ایچ ورلڈ کپ ہاکی ٹورنامنٹ اپنے اختتامی مراحل کی طرف گامزن ہے۔ میگا ایونٹ کے آخری دو کوارٹر فائنل میچز (آج) جمعرات کو کھیلے جائیں گے جس کے بعد میگا ایونٹ کی سیمی فائنل لائن اپ مکمل ہوجائے گی۔ میگا ایونٹ کے دونوں سیمی فائنل میچز 15 دسمبر کو کھیلے جائیں گے۔ تفصیلات کے مطابق میگا ایونٹ کے آخری دو کوارٹر فائنل میچ آج جمعرات کو کھیلے بھارت کے شہر بھونیشور میں کھیلے جائیں گے۔ اس سلسلے میں پہلا میچ جرمنی اور بیلجیئم کی ٹیموں کے درمیان کھیلا جائے گا جبکہ دوسرا کوارٹر فائنل میچ میزبان بھارت اور ہالینڈ کی ٹیموں کے درمیان کھیلا جائے گا۔ میگا ایونٹ کے سیمی فائنلز 15 دسمبر جبکہ فائنل16 دسمبر کو کھیلا جائے گا۔ایونٹ میں پاکستان کی ٹیم کا سفر پہلے مرحلے میں ختم ہوگیا۔ ٹیم کی ناقص کاررکردگی پر سابق کھلاڑیوں نے تشویش کا اظہار کیا ہے۔