ممبئی (امت نیوز) ہرشل گبز، اویس شاہ اور منوج پرابھاکر بھارتی ویمن کرکٹ ٹیم کی کوچنگ کیلئے دوڑ میں شامل ہو گئے۔ تفصیلات کے مطابق بھارتی کرکٹ بورڈ نے رامیش پووار کو ویسٹ انڈیز میں منعقدہ ویمنز ورلڈ کپ کیلئے عبوری طور پر ویمنز ٹیم کی کوچنگ کی ذمہ داری سونپی تھی تاہم اب بورڈ نے مستقل بنیادوں پر ٹیم کیلئے نئے کوچ کی تلاش شروع کر دی ہے۔ بھارتی کرکٹ بورڈ نے ویمنز ٹیم کے نئے کوچ کی تقرری کیلئے ایڈہاک پینل تشکیل دیا ہے۔