بے نظیر بھٹو شہید انٹرنیشنل ٹینس چیمپئن شپ 15 دسمبر سے اسلام آباد میں شروع ہوگی

اسلام آباد (اے پی پی) بے نظیر بھٹو شہید انٹرنیشنل ٹینس چیمپئن شپ 15 دسمبر سے اسلام آباد ٹینس کمپلیکس میں شروع ہوگی۔ ٹورنامنٹ ڈائریکٹر کامران خلیل نے بتایا کہ چیمپئن شپ کی تیاریاں زور شور پر ہیں۔ چیمپئن شپ میں پاکستان سمیت غیر ملکی کھلاڑی شرکت کر رہے ہیں جن میں روس، اٹلی، جرمنی، فرانس، سعودی عرب، امریکہ، جاپان، سربیا، تائیوان، آئرلینڈ، تھائی لینڈ، کینیڈا، پولینڈ، سنگا پور، ازبکستان، آسٹریلیا، کوریا، تاجکستان اور قطر کے ٹینس سٹار شامل ہیں۔