پرتھ (اے پی پی) بھارتی کرکٹ ٹیم کے مایہ ناز بلے باز چیتشور پوجارا نے کہا ہے کہ وہ آسٹریلیا کیخلاف دوسرے ٹیسٹ میچ میں بھی اپنی عمدہ کارکردگی کی بدولت ٹیم کی فتح میں اہم کردار ادا کرونگا۔ انہوں نے کہا کہ وہ کینگروز کیخلاف ٹیسٹ سیریز کے ابتدائی میچ میں اپنی کارکردگی سے مطمئن ہیں۔ انہوں نے کہا کہ وہ آسٹریلوی ٹیم کیخلاف پہلے ٹیسٹ میچ کی پہلی اننگز میں سنچری اور دوسری اننگز میں نصف سنچری کھیلنے پر بہت خوش ہیں۔ اپنے ایک بیان میں انہوں نے کہا کہ میزبان ٹیم کے خلاف ابتدائی ٹیسٹ جتینے کے بعد انکی ٹیم کا مورال بلند ہے۔