اسلام آباد(نمائندہ امت)مسلم لیگ ن کی سابق حکومت نے پا نچ سالوں میں وزیراعظم آفس پر 2ارب 20کروڑ روپے کے ا خرجات کیے سینٹ اجلاس میں گزشتہ 5 سالوں کے دوران وزیر اعظم آفس کے اخراجات کی تفصیلات پیش کی گئیں ہیں جس کے مطابق سال 14-2013 کے دوران وزیراعظم آفس کے کل اخراجات 39 کروڑ 99 لاکھ روپے تھے۔اسی طرح سال 15-2014 میں وزیر اعظم آفس کے اخراجات 37 کروڑ روپے، سال 16-2015 میں 41 کروڑ روپے، سال 17-2016 میں 50 کروڑ 88 لاکھ روپے اور سال 18-2017 میں وزیر اعظم آفس کے اخراجات 50 کروڑ 88 لاکھ روپے رہے۔