کراچی (اسٹفا رپورٹر)ڈی جی رینجرز سندھ نےتاریخ میں پہلی مرتبہ کراچی ہاکی ٹیم کے 8 بہترین کھلاڑیوں کو رینجرز میں ملازمت دے دی ۔ کراچی ہاکی ایسوسی ایشن کے سیکرٹری حیدرحسین نےاس اقدام کو سراہتے ہوئےکہا کہ ہاکی ہمارا قومی کھیل ہے، جب روزگار ہی نہیں ہوگا تو کون کھیلے گا ۔ ڈی جی رینجرز نے 25 سال بعد احسن قدم اٹھایا۔ ہا کی فیڈریشن کو اس سے سبق سیکھنا چاہیے۔ملازمت پانے والے کھلاڑیوں میں بدرالدین، آصف، فیضان خان غلام فرید منصور ، عامر حسین، سہیل عباس، روہیل علی اور بلال احمد شامل ہیں۔انتخاب کیلئے ڈ ی جی رینجرز کی خصوصی ہدایت پر اولمپئن سمیع اللہ، اولمپئن حنیف خان اور حیدر حسین پر مشتمل 3رکنی سلیکشن کمیٹی بنائی گئی ۔