ویلنگٹن (امت نیوز) نیوزی لینڈ کے مایہ ناز مڈل آرڈر بلے باز راس ٹیلر کو ٹیسٹ کرکٹ میں سابق ہم وطن بلے باز برینڈن میک کولم کے زیادہ رنز کا ریکارڈ توڑنے کیلئے مزید 54 رنز درکار ہیں، اس بات کے قوی امکانات ہیں کہ ٹیلر سری لنکا کے خلاف جاری پہلے ٹیسٹ میں یہ اعزاز حاصل کر لیں گے، اگر ٹیلر میک کولم کے زیادہ رنز کا ریکارڈ توڑنے میں کامیاب ہوئے تو وہ زیادہ ٹیسٹ رنز بنانے والے دوسرے کیوی بلے باز بن جائیں گے۔