کراچی (اسٹاف رپورٹر)گلشن معمار میں 10روز کی دلہن کو شوہر نے قتل کردیا اور موقع سے فرار ہوگیا۔ گلشن معمار کے علاقے میں واقع چاول گودام سے متصل عیسیٰ گوٹھ میں گولی لگنے سے نئی نویلی دلہن ہلاک ہوگئی۔ ایس ایچ او اشتیاق غوری نے بتایا کہ خاتون کی اسپتال میں شناخت لال بی بی زوجہ اسماعیل خان کے نام سے ہوئی۔ مقتولہ سہراب گوٹھ کی رہائشی تھی اور اسکی 10روز قبل اسماعیل سے شادی ہوئی تھی۔منگل کو دونوں کے درمیان کسی بات پر جھگڑا ہوا تھا ، جس پر شوہر نے فائرنگ کرکے بیوی کو قتل کردیا اور موقع سے فرار ہوگیا۔ علاوہ ازیں شاہ لطیف کے علاقے لانڈھی کھوئی گوٹھ ندی کے قریب تشدد زدہ 35سالہ شخص کی لاش ملی۔ پولیس نے کارروائی کے بعد لاش کو شناخت کیلئے سرد خانے میں رکھوادیا اور ملزمان کی تلاش شروع کردی ہے۔