کراچی(بزنس رپورٹر) فیکلٹی آف انجینئرنگ سائنسز اینڈ ٹیکنالوجی، جامعہ ہمدرد کے زیر اہتمام سالانہ انٹر یونیورسٹی نمائش اور مقابلے کا انعقاد کیا گیا۔ کُل 95 پروجیکٹ پیش کئے گئے، جس میں 65 پروجیکٹ مقابلے اور 30 پروجیکٹ نمائش کیلئے رکھے گئے۔ یہ پروجیکٹ مکینیکل، الیکٹریکل پاور، الیکٹرونکس، بائیو میڈیکل، انجینیئرنگ اور کمپیوٹر سائنس پر مشتمل تھے۔تقریب کا افتتاح چانسلر سعدیہ راشد نے کیا۔ صوبائی وزیر آئی ٹی تیمور تالپور نے کامیاب طلبا کو انعامات دئیے ۔ نمائش میں 40 انڈسٹریل ماہرین نے شرکت کی اور طلبا کے پروجیکٹس میں دلچسپی کا اظہار کیا۔