اسلام آباد (اے پی پی) پاکستان سکوائش فیڈریشن کے صدر اور پاک فضائیہ کے سربراہ ایئر چیف مارشل مجاہد انور خان نے امریکا میں کھیلے گئے یو ایس جونیئر سکوائش چیمپین شپ میں چاندی کے 2 تمغے حاصل کرنے پر قومی کھلاڑیوں کو مبارک باد دی ہے۔ بدھ کو پاکستان سکوائش فیڈریشن کی جانب سے جاری کردہ تفصیلات کے مطابق پاکستانی کھلاڑیوں نے یو ایس جونیئر سکوائش چیمپئن شپ میں دو چاندی کے تمغے جیت لئے ہیں۔ پاکستان سکواش فیڈریشن کے صدر اور پاک فضائیہ کے سربراہ ایئر چیف مارشل مجاہد انور خان نے ایونٹ میں شاندار کارکردگی پرکھلاڑیوںکو مبارکباد دی ہے۔