کراچی(اسٹاف رپورٹر)کورنگی ضیا کالونی میں پولیس نے مقابلے میں ڈاکو کو ہلاک اور اسکے زخمی ساتھی کوگرفتار کرلیا۔ ذرائع کے مطابق مسلح ڈاکولنک روڈ کے قریب لوٹ مار کے بعد فرار ہو رہے تھے کہ پولیس پہنچ گئی، جسے دیکھتے ہی ملزمان نے فائرنگ کردی۔ جوابی کارروائی میں ملزم اکرم مارا گیا اور اسکے زخمی ساتھی غلام مصطفیٰ کو گرفتار کر کے اسلحہ، موٹر سائیکل اور مسروقہ سامان برآمد کرلیا گیا۔اسپتال میں زخمی ڈاکو کی حالت نازک ہے۔