کراچی ۔ 20 دسمبر (اے پی پی) لیزر رن سٹی ٹور 2018ءسندھ پینٹاتھلون کے زیرٰ اہتمام منعقد کیا گیا۔ لیزر رن سٹی ٹور میں مختلف فاصلوں کی دوڑ اور الیکٹرانک پستول سے نشانہ بازی کے مقابلے ایک ہی دن میں کئے جاتے ہیں۔ لیزر رن سٹی ٹور میں کراچی کے مختلف اسکولوں اور کالجوں کے طلبہ و طالبات نے بھرپور شرکت کی۔ 300 سے زیادہ اتھیلیٹ نے الیکٹرانک پستول سے نشانہ لگا کر دوڑیں مکمل کیں اور بھرپور یکجہتی کا مظاہرہ کیا۔ واضح رہے کہ لیزر رن سٹی ٹور اپنی نوعیت کا ایک منفرد کھیل ہے ۔