کراچی (اسٹاف رپورٹر) رزاق آباد میں بچوں کی لڑائی میں بڑے کود پڑے لاٹھی اور ڈنڈنے لگنے سے دو خواتین سمیت 6 افراد زخمی ہوگئے ، تفصیلات کے مطابق شاہ لطیف کے علاقے رزاق آباد کڑی پتہ گوٹھ میں بچوں کی کھیلنے کے دوران لڑائی ہوگئی جس پر بڑے کود پڑے اور ایک دوسرے پر لاٹھی اور ڈنڈوں سے حملہ کردیا جس کے نتیجے میں دو خواتین سمیت چھ افراد زخمی ہوگئے، جن کو فوری طور پر ریسکیو ایمبولینس کے ذریعے قریبی اسپتال پہنچایا ، ایس ایچ او نیک محمد کھوسو نے بتایا کہ اسپتال میں زخمیوں کی شناخت شوکت ، فرید ، رحمت ، غلام فرید ،جبکہ خواتین ناگوری اور تیشہ کے ناموں سے ہوئی ہے ، زخمی ہونے والے افراد کی حالت خطرے سے باہر ہے جنہیں نجی اسپتال میں طبی امداد فراہم کی گئی۔