کراچی (اسٹاف رپورٹر)رینجرز اور پولیس نے مختلف علاقوں سےاسٹریٹ کرمنلز ۔بھتہ خور ۔منشیات فروشوں سمیت 13 ملزمان گرفتار کرکے اسلحہ اور گٹکا برآمد کرلیا ۔تفصیلات کے مطابق رینجرز نے گڈاپ سے اسٹریٹ کرائم میں ملوث بادشاہ حسین ،عبدالرحیم ،نعیم ،شاہد علی کو گرفتار کرلیا جبکہ شریف آباد ۔ناظم آباد سےمنشیات فروشوں ایاز،قمر زمان ،عبدالوکیل،عین الحسن کو حراست میں لے لیا ۔شاہراہ نورجہاں سے پولیس نے بھتہ خور نعیم کھوسہ کو گرفتار کرلیا ۔ایس ایچ او راؤ ظہیر کے مطابق ملزم سادہ لوح افراد کو وملازمت دلوانے کا جھانسہ دیکر رقم بٹور تا تھا اور کاروباری افراد سے بھتہ لیتاتھا ملزم کوبھتہ لیتے ہوئے رنگے ہاتھوں گرفتار کیا گیا۔ فیروزآباد میں عدنان سے اسلحہ برآمد ہوا ۔ گلبرگ ۔پیرآباد سے شعیب خان دانش شاہداور فہیم اللہ کو گرفتار کرکے اسلحہ اور گٹکا برآمد کرلیا گیا۔