اسلام آباد (امت نیوز) ملک کے عظیم کرکٹر لٹل ماسٹر حنیف محمد کو گوگل کا خراج تحسین، 21دسمبر کو ان کے 84ویں یوم پیدائش کے موقع پر گوگل انتظامیہ نے اپنے ڈوڈل پر لٹل ماسٹر کی تصویر لگا دی ۔ گوگل معروف شخصیات اور ہیروز کو خراج تحسین پیش کرتا ہے یہی وجہ ہے کہ جمعہ 21دسمبر 2018ء کو اس نے لٹل ماسٹر حنیف محمد نے یوم پیدائش کے موقع پر اپنے ڈوڈل کو ان کے نام منسوب کر دیا ۔ حنیف محمد نے کرکٹ کی تاریخ میں کئی عظیم الشان ریکارڈ قائم کئے ہیں جن میں ٹیسٹ کرکٹ کے تاریخ میں طویل ترین وقت تک کریز پر موجود رہنے سمیت ٹرپل سنچری بنانے والے پہلے پاکستانی کا ریکارڈ شامل ہیں۔ ان کے یوم پیدائش کے موقع پر گوگل نے لکھا ہے کہ عظیم کرکٹر اور لٹل ماسٹر کے نام سے مشہور کرکٹر حنیف محمد 21 دسمبر 1934ء کو بھارتی شہر جوناگڑھ میں پیدا ہوئے ۔
٭٭٭٭٭