کراچی (اسٹاف رپورٹر) کورنگی میں ڈکیتی مزاحمت پر نوجوان قتل جبکہ بھینس کالونی میں ڈاکوؤں کی فائرگ سے38سالہ شہری زخمی ہوگیا۔ تفصیلات کے مطابق کورنگی صنعتی ایریا میں ندی کے قریب جمعے اور ہفتے کی شب موٹر سائیکل سوار ملزمان نے ڈکیتی مزاحمت پر فائرنگ کرکے21سالہ قاسم کو قتل کر دیا، مقتول نوجوان کورنگی کا رہائشی تھا۔ بھینس کالونی روڈ نمبر5 پر مسلح ملزمان نے دوران ڈکیتی مزاحمت پر38سالہ احسن ولد ثنا اللہ کو فائرنگ کرکے زخمی کردیا، جسے سکھن پولیس نے ریسکیو ایمبولینس کے ذریعے اسپتال پہنچایا۔ پولیس کے مطابق زخمی کی حالت خطرے سے باہر ہے، جسے نجی اسپتال میں طبی امداد دی جارہی ہے۔