کراچی(بزنس رپورٹر) سوئی سدرن گیس کمپنی کے تحت ادارے کے ہیڈ آفس میں محفل میلاد کا انعقاد کیا گیا، جس سے خطاب میں ممتاز عالم دین علامہ مظفر حسین شاہ اختر القادری نے کہا کہ آپؐ کی تعریف و توصیف اور سیرت طیبہ کے تذکرے کرنا مومن کی نشانی ہے، حضور اکرمؐ کی محبت کے بغیر مسلمان کا ایمان پختہ نہیں ہوسکتا۔ آپ ؐ کی سنت پر چل کر ہی ہم کامیاب زندگی گزار سکتے ہیں۔ اس موقع پر قاری اسدالحق اور فیصل حسن نقشبندی نے نعتیہ کلام پیش کیا۔ اس موقع پر شہباز اسلام اور سلمان احمد صدیقی کے علاوہ دیگر افسران اور ملازمین نے بڑی تعداد میں شرکت کی ۔ آخر میں ملک کی ترقی ، امن اور استحکام کے لئے خصوصی دعا کی گئی۔