کراچی(مانیٹرنگ ڈیسک) مسلم لیگ (ن) کے منحرف رہنما دوست محمد کھوسہ نے پیپلز پارٹی میں شمولیت اختیار کرلی۔ نجی چینل کے مطابق بلاول ہاؤس میں شریک چیئرمین آصف زرداری سے ملاقات میں سابق وزیرِاعلیٰ پنجاب دوست محمد کھوسہ نے پیپلز پارٹی میں شمولیت کا اعلان کرتے ہوئے کہا کہ جنوبی پنجاب کے عوام کو حقوق پیپلز پارٹی ہی دلاسکتی ہے۔اس موقع پر آصف زرداری کا کہنا تھا کہ جنوبی پنجاب کے عوام کی امنگوں کے مطابق نیا صوبہ بن کر رہے گا اور دوست محمد کھوسہ کی شمولیت سے پارٹی جنوبی پنجا ب میں مضبوط ہوگی۔