کراچی(اسٹاف رپورٹر)ملیر معین آباد میں گھر کے اندر آگ لگنے سے میاں بیوی اور 4 بچے جھلس کر زخمی ہوگئے۔ملیر معین آباد میں ہفتے کی شب ایک گھر میں اچانک آگ بھڑک اٹھی، جس پر میاں بیوی اور بچوں نے اپنی مد د آپ کے تحت آگ کو بجھانے کی کوشش کی، تاہم آگ پھیلنے کے باعث میاں بیوی اور ان کے بچے جھلس کر زخمی ہوگئے۔چیخ و پکار پر علاقہ مکین اور اطلاع ملنے پر فائر بریگیڈ کا عملہ پہنچ گیا، جنہوں نے جھلس کر زخمی ہونے والے میاں، بیوی اور 4 بچوں کو نکال کر قریبی اسپتال پہنچایا اور 30 منٹ میں آگ پر قابو پالیا۔زخمیوں کی شناخت ِ35سالہ غلام اکبر ، 28 سالہ الیانہ ،17 سالہ راجہ ،15 سالہ نبیلہ ، 7 سالہ انعم اور انور کے نام سے ہوئی۔پولیس کے مطابق آتشزدگی میں فرنیچر بھی راکھ ہوگیا۔