کراچی سمیت ملک بھر میں آج بلدیاتی نشستوں پر ضمنی الیکشن

کراچی(ایجنسیاں)سندھ سمیت ملک بھر میں بلدیاتی اداروں کی خالی نشستوں پر ضمنی انتخابات اتوار کوہوں گے ۔ ضمنی الیکشن کیلئے انتظامات مکمل کر لئے گئے ہیں اور انتخابی سامان متعلقہ مقامات پر پہنچا دیا گیا ہے۔کراچی سمیت سندھ بھر میں 65 نشستوں پر ضمنی انتخابات کے دوران 5 لاکھ سے زائد مرد و خواتین ووٹرز حق رائے دہی استعمال کریں گے۔ اس ضمن میں متعلقہ حلقوں میں 389 پولنگ اسٹیشن بنائے گئے ہیں۔جہاں 2800 سے زائداہلکار ڈیوٹی دے گا۔کراچی کے6اضلاع میں چیئرمین، وائس چیئرمین، کونسلرز کی نشستوں پر انتخاب ہو گا۔ کراچی میں 4یوسی چیئرمینوں کی نشستیں رکن سندھ اسمبلی بننے پرخالی ہوئی تھیں۔