واشنگٹن (مانیٹرنگ ڈیسک )امریکا میں ریفری نے ریسلر کے کندھوں تک لٹکی زلفوں کو کاٹے بغیر میچ جاری رکھنے سے منع کردیا جس پر کوچ کو مجبوراً نوجوان ریسلر کے بال کاٹنے پڑے۔ریاست نیوجرسی میں اسکول کی سطح پر ہونے والے ریسلنگ کے مقابلوں میں اُس وقت دلچسپ صورت حال پیدا ہوگئی جب میچ ریفری نے کندھوں تک بالوں کی چوٹیا بنائے کھلاڑی کو بال کاٹے بغیر میچ جاری رکھنے سے روک دیا۔نوجوان ریسلر اینڈریو جانسن کے کوچ نے میچ ریفری کے فیصلے پر احتجاج کرتے ہوئے معاملے کو سلجھانے کی کوشش بھی کی تاہم ریفری نے اصرار کیا کہ یا تو بال کاٹے جائیں یا میچ ادھورا چھوڑ کر ناک آؤٹ کیلئے تیار ہوجائیں جس پر کوچ نے مجبوراً ریسلر کے بال کاٹ دیئے۔ سوشل میڈیا پر کھلاڑی کے بال کاٹنے کی وڈیو وائرل ہوگئی۔