کراچی (اسٹاف رپورٹر) سپر ہائی وے اور اورنگی ٹاؤن سے خاتون سمیت 2 افراد کی لاشیں ملیں۔ تفصیلات کے مطابق اقبال مارکیٹ تھانے کی حدود اورنگی عید گاہ گراؤنڈ سے اتوار کی صبح 65سالہ قمرالزماں ولد رفیع اللہ کی لاش ملی، جس کی اطلاع پر پولیس لاش کو اسپتال منتقل کیا۔پولیس کے مطابق متوفی قریب واقع گھر میں اکیلا رہتا تھا اور اسکی موت طبعی لگتی ہے، متوفی کے ورثا بناکارروائی کے لاش اپنے ہمراہ لے گئے۔ ادھر سائٹ سپر ہائی وے صنعتی ایریا کے علاقے نیو سبزی منڈی کے قریب خاتون کی لاش ملی، جسے پولیس نےقریبی اسپتال منتقل کیا۔ پولیس کے مطابق لاش کی فوری طور پر شناخت نہیں ہوسکی ہے جبکہ متوفیہ کی عمر35برس ہے،لاش شناخت کیلئے سرد خانے میں رکھوادی گئی ہے۔