کراچی(مانیٹرنگ ڈیسک ) قومی ایئر لائن انتظامیہ نے خسارے سے نکلنے کیلئے برطانیہ سمیت یورپ کی پروازوں میں بزنس کلاس ختم کرنے کا فیصلہ کرلیا ۔ نجی ٹی وی کے مطابق پی آئی اے ذرائع نے بتایا کہ مانچسٹر۔برمنگھم ۔کوپن ہیگن ۔بارسلونا۔میلان اور پیرس جانیوالی پروازوں میں بزنس کلاس ختم کردی جائے گی اور اسکی تمام سیٹوں کو اکانومی پلس کردیا جائے گا، جس سے زیادہ مسافر ایک پرواز میں سفر کرسکیں گے ۔ یورپ جانے والی تمام پروازوں میں 15 جنوری سے صرف اکانومی پلس کی بکنگ کی جائے گی اور تمام مسافر ایک ہی کلاس میں سفر کرسکیں گے۔انتظامیہ کا یہ بھی کہنا ہے کہ مسافروں کو پی آئی اے کے ذریعے زیادہ سے زیادہ سفر کرنے کی ترغیب دینے کے لیے یورپ جانیوالی پروازوں کے کرایوں میں 30فیصد کمی بھی کی جائے گی۔